Turais inár gceantar
Príomhcheist
Cé chomh truaillithe is atá an t-aer?
Imlíne
Sa turgnamh seo faigheann na leanaí amach cé chomh truaillithe is atá an t-aer.
Ullmhúchán
Bailigh na hacmhainní thíos.
Torthaí foghlama
- Nuair a bheidh na gníomhaíochtaí seo críochnaithe acu beidh na leanaí go léir:
- ar an eolas faoi thruailliú san aer;
- in ann comparáid a dhéanamh ar thruailliú in áiteanna éagsúla; agus
- ar an eolas faoi na foinsí truaillithe.
Acmhainní
- Fochupáin bhána nó claibíní crúscaí suibhe
- Glóthach pheitriliam, m.sh. Vaseline
- Lipéid
- Téip ghreamaitheach
- Formhéadaitheoir
- Bileog oibre Imscrúdú 12 ‘Cé Chomh Truaillithe is Atá an tAer?’
|
Gníomhaíochtaí foghlama
1. Déanann na leanaí monatóir aeir trí ghlóthach pheitriliam a chur ar fhochupán nó ar chlaibín chrúsca suibhe. Cuireann siad lipéid orthu lena n-ainmneacha agus na háiteanna a chuirfidh siad iad. Coimeádann na leanaí ceann amháin le cur sa seomra ranga – chun comparáid a dhéanamh leis na cinn a bheidh taobh amuigh. Greamóidh truailliú san aer den ghlóthach pheitriliam.
2. Cuireann na leanaí dhá mhonatóir aeir taobh amuigh, á ndaingniú le rud éigin ionas nach sciobfaidh an ghaoth iad nó nach líonfar le báisteach iad. Fágtar na monatóirí ansin ar feadh seachtaine. Bailíonn na leanaí a monatóirí aeir agus déanann siad grinnscrúdú orthu. Agus formhéadaitheoir á úsáid acu, déanann siad an méid a fheiceann siad a thaifeadadh ar an mbileog.
NÓTA: Níor chóir do na leanaí lámh a leagan ar an nglóthach pheitriliam ar na monatóirí agus ba chóir dóibh a lámha a ní tar éis an ghníomhaíocht a chur i gcríoch.
3. Labhrann na leanaí agus na múinteoirí faoin imscrúdú.
Nóta
• Féach www.enfo.ie nó www.epa.ie le haghaidh eolais ar cháilíocht aeir.