Fiosrúchan 19: An Todhchaí

Cad í an todhchaí a d’fhéadfadh a bheith i ndán d’éirinn?

Príomhcheist
Conas is féidir linn dul i ngleic le hathrú aeráide?

Imlíne
Tugann an ghníomhaíocht seo deis do na leanaí smaoineamh ar an todhchaí a d’fhéadfadh a bheith rompu.

Ullmhúchán
Sa ghníomhaíocht seo bíonn ar na leanaí páipéir nuachtáin áitiúla a úsáid – iarr orthu iad a thabhairt isteach ón mbaile thar cúpla seachtaine.

Torthaí foghlama
Nuair a bheidh na gníomhaíochtaí seo críochnaithe acu beidh na leanaí in ann:

• an todhchaí inár bpobal is dócha a bheidh ann, a d’fhéadfadh a bheith ann agus is mó a thaitneodh linn a bheadh ann a shamhlú;
• cur síos a dhéanamh ar na tionchair dhearfacha is féidir le daoine a imirt i bpobail áitiúla, náisiúnta agus domhanda; agus
• a aithint go bhfuil nithe ann a chuireann bac ar an todhchaí ba mhaith linn a bheith ann.

Abhainn na Tulchann, Baile Átha Cliath

Courtesy of Susan Pike

Abhainn na Tulchann, Baile Átha Cliath
Courtesy of Susan Pike

Abhainn na Tulchann, Baile Átha Cliath

Courtesy of Susan Pike

Enlarge image

Acmhainní

• Bileoga acmhainní – ‘Lá i mBaile Átha Cliath 2040’ (Imscrúdú 19a) agus ‘Ag Samhlú na Todhchaí’ (Imscrúdú 19b)
• Páipéir nuachtáin áitiúla
• Cárta Acmhainne uimh. 6 - An Tulcha, Baile Átha Cliath
  

Gníomhaíochtaí foghlama

1. Léigh – ‘Lá i mBaile Átha Cliath 2040’ (Imscrúdú 19a).

• Déan plé ginearálta air.
• Cad iad na gnéithe de Bhaile Átha Cliath 2040 a bheadh go maith dá bpobal áitiúil féin?
• Cén sórt cuma a bheadh air i gcomparáid leis an bpictiúr den Tulcha inniu? (cárta acmhainne uimh.6)?
• Cad a chabhródh chun na nithe seo a bhaint amach?

2. Féach tríd na páipéir nuachtáin áitiúla a bhailigh na leanaí lena fháil amach cad iad na cineálacha
gníomhaíochtaí atá ag tarlú sa phobal. Gearr amach ceannlínte / grianghraif a thaispeánann na
gníomhaíochtaí seo.

3. Cuir isteach gníomhaíochtaí atá ag tarlú laistigh den scoil.

4. Sórtáil na píosaí ar fad in dhá chatagóir/chruach:

• Rudaí atá ag tarlú anois
• Rudaí a tharlóidh/ a d’fhéadfadh tarlú amach anseo

5. Úsáid an dá chruach chun an léaráid ar Imscúdú 19b a líonadh – cibé ar an gclár nó ar an mbileog
gníomhaíochta, ag deighilt imeachtaí reatha agus imeachtaí amach anseo mar atá léirithe i:

• Cad atá ag tarlú?
• Cad ba mhaith linn tarlú?
• Cad is dócha a tharlóidh?

6. Plé: Cad ba mhaith linn tarlú agus cad iad na gníomhaíochtaí a d’fhéadfaí a dhéanamh sa scoil chun oibriú i dtreo na todhchaí sin